شروط استخدام Lawtix
آخر تحديث: 10 أكتوبر 2026
Lawtix منصة لإدارة مكاتب المحاماة على الإنترنت. لما مكتبك يسجّل على Lawtix أو يستخدمه، فإنت موافق على الشروط دي باسم المكتب.
الحساب
اللي بيسجّل المكتب بيبقى مدير الحساب، وهو المسؤول عن المستخدمين اللي بيضيفهم وصلاحياتهم، وعن الحفاظ على سرية كلمات المرور. لو حصل دخول على الحساب من غير إذن، بلّغنا على طول.
التجربة والاشتراك
- كل مكتب جديد بياخد تجربة مجانية 7 أيام بكل المميزات.
- بعد التجربة، المكتب بيختار باقة ويدفع شهري أو سنوي بإنستاباي أو فودافون كاش أو تحويل بنكي. الاشتراك بيتفعّل بعد ما نتأكد إن المبلغ وصل.
- لو الاشتراك خلص ومتجددش، لوحة التحكم بتقفل لحد التجديد، والبيانات بتفضل محفوظة.
- الأسعار ممكن تتغير، والتغيير مبيأثرش على المدة اللي اتدفعت قبله.
بيانات المكتب
كل البيانات اللي المكتب بيسجلها (القضايا، الموكلين، المستندات، الحسابات) ملك المكتب. Lawtix بيخزنها ويعرضها للمكتب بس، ومبيستخدمهاش في أي حاجة تانية. بيانات كل مكتب منفصلة عن باقي المكاتب.
لو المكتب قرر يوقف الاشتراك، يقدر يطلب نسخة من بياناته. وبعد ٩٠ يوم من انتهاء الاشتراك من غير تجديد، من حقنا نمسح البيانات نهائيًا بعد ما نبلّغ المكتب.
الاستخدام المسموح
المكتب مسؤول عن المحتوى اللي بيرفعه وبينشره على موقعه. ممنوع استخدام Lawtix في أي حاجة مخالفة للقانون، أو رفع ملفات ضارة، أو محاولة الوصول لبيانات مكاتب تانية.
توفر الخدمة
بنعمل اللي نقدر عليه عشان Lawtix يفضل شغال على طول وبناخد نسخ احتياطية بشكل دوري. ممكن الخدمة تقف شوية وقت للصيانة، وهنحاول نبلّغ قبلها.
حدود المسؤولية
Lawtix أداة لتنظيم شغل المكتب، ومبيقدّمش استشارات قانونية. المكتب هو المسؤول عن متابعة مواعيد جلساته وقضاياه. مسؤولية Lawtix في أي حال متتعداش قيمة اشتراك المكتب في آخر ١٢ شهر.
تعديل الشروط
ممكن نعدّل الشروط دي، ولو التعديل مهم هنبلّغ مدير كل مكتب قبل ما يبدأ.
التواصل
لأي سؤال عن الشروط: تواصل معنا من لوحة تحكم مكتبك